Back معركة بلجيكا Arabic Belçikanın işğalı (1940) Azerbaijani بلژیک دؤیوشو AZB Битка за Белгия Bulgarian Campanya de divuit dies Catalan Bitva o Belgii Czech Slaget om Belgien (1940) Danish Schlacht um Belgien German German invasion of Belgium (1940) English Batalla de Bélgica Spanish
| Belgikako inbasio alemaniarra | ||
|---|---|---|
| ||
| Mota | gudu operazio militar | |
| Honen parte da | Plan Horia, Frantziako gudua eta Bigarren Mundu Gerra | |
| Denbora-tarte | 1940ko maiatzaren 10a - 1940ko maiatzaren 28a | |
| Kokaleku | Belgika | |
| Herrialdea | Belgika | |
| Parte-hartzaileak | ||
Belgikako Gudua, Belgikako Kanpaina edo 18 eguneko Kanpaina ere deitua,[1] Frantziako Batailaren borroken parte izan zen, eta Bigarren Mundu Gerran Alemania naziak abiarazitako eraso-kanpaina izan zen. 18 egunez iraundu zuen, 1940ko maiatzaren 10etik 28ra. Armada errenditu ondoren, Belgikaren okupazioarekin amaitu zen. 1940ko maiatzaren 10ean, gainera, Alemaniak Luxenburgo eta Herbehereak inbaditu zituen Fall Gelb (Plan Horia) operazio-planaren barruan.
Armada aliatuak alemaniarren aurrera egitea eta alemaniarren helburu nagusitzat jota Belgikan geldiarazten saiatu ziren. Frantziarrek armada aliatuen zati handi bat Belgikara bidali ondoren, maiatzaren 10etik 12ra, alemaniarrek euren operazioaren bigarren fasea hasi zuten, Ardenetan zehar eta, ondoren, Mantxako Kanalera. Heer alemaniarra kanalera bost egun geroago iritsi zen, aliatuak bilduz. Alemaniarren aurrerapenak itsasora itzultzera behartu zituen aliatuak. Ondorioz, Belgikako armadak maiatzaren 28an amore eman zuen.[2]
Belgikako Guduan, Hannuteko Guduan, alegia, lehen aldiz erabili ziren tankeak gerran.[3] Eben-Emael gotorlekuaren Guduan, bestetik, operazioetan paraxutistekin egin zen lehen operazioa burutu zen.
Kolapso belgikarrak Europa kontinentaletik erretiratzera behartu zituen aliatuak. Erresuma Batuko Errege Itsas Armadak Belgikako portuak ebakuatu zituen Dinamo Operazioan, bai Britainiar Espedizio Indarrari baita ere Belgikako eta Frantziako soldaduei. Horrek operazio militarrekin jarraitzea ahalbidetu zuen. Handik gutxira, ekainean, Frantziak amore eman zuen Alemaniaren aurka. Belgika alemanen kontrolpean egon zen 1944ko udazkenera arte, Mendebaldeko Aliatuek askatu zuten arte, alegia.
- ↑ Belgian American Educational Foundation (1941). The Belgian Campaign and the Surrender of the Belgian Army, 10–28 May 1940 (Hirugarren edizioa). Michigango Unibertsitatea.
- ↑ Shirer, William L. (1990 [1960]). The Rise and Fall of the Third Reich: A History of Nazi Germany (Simon and Schuster edizioa). ISBN 978-0-671-72868-7.
- ↑ Healy, Mark (2008). John Prigent, ed. Panzerwaffe: The Campaigns in the West 1940, . Shepperton: Ian Allan. ISBN 978-0-7110-3240-8. 36.or.